Randolf Walderhaug

Randolf er utdanna skodespelar ved New York University sitt teaterprogram og vart uteksaminert i 1984. Han har vore fast tilsett på Den Nationale Scene og Teatret Vårt i Molde.

Randolf har jobba frilans med base i Oslo sidan 2007. Han har spelt på dei fleste teatra i landet. Vi kan nemne roller som Gregers Werle i Vildanden, Orestes i Orestien, Peachum i Tolvskillingsoperaen og Shylock i Kjøpmannen i Venetia. Randolf har gjort monologane Ingen Vei Tilbake og Nittenhundre. 

Han har vore med i Fundamentalisten på Det Norske Teatret 2011 og gjorde Christian Michelsen i Harry og Charles på NRK.

Elles har det blitt mange roller i både TV og film. Randolf var nominert til Heddaprisen i 2006 for Per Degn i Erasmus Montanus. I tillegg underviser han i skodespelarfag ved NSKI.