Riksteatret: Per Hansen – en trofast mann

Finst det nokon som kan elske meg?

Per Hansen er ein heilt vanleg mann. Han er gift med Valborg og far til Bodil. Han driv Hertz bilutleige på den veldig lokale flyplassen. Per Hansen har ingen hemmelegheiter. Bortsett frå den om Silje Jansen.

Med Stig Henrik Hoff og Ida Løken Valkeapää i rollene som Per Hansen og Silje Jansen ønskjer Riksteatret å vise kor einsamt eit menneske kan leve, men samtidig kor avhengige vi er av kvarandre. «Per Hansen» er eit saftig, humoristisk, dampande erotisk og ærleg stykke. Det handlar om vaksen kjærleik, kompliserte livsval og om å halde ut dette livet.

Siri Broch Johansen set eit rått og nakent lys på det mørke landskapet inni og rundt oss på ein genuin, sår, men også fornøyeleg måte - og med eit språk vi nok ikkje har høyrt maken til på ei norsk scene.

Du går ikkje urørt frå dette stykket.

Framsyningslengd: 1 time 40 minutt (ingen pause).

---

Med Stig Henrik Hoff, Ida Løken Valkeapää m.fl.
Av Siri Broch Johansen / Juho-Sire
Regissør Hanne Tømta
Scenograf Hilde Hauan
Kostymedesignar Nora Furuholmen
Dramaturg Oda Radoor
Produsent Wenche Viktorsdatter Paulsen
Produsert av Riksteatret