Sommarteaterskule

Bilde: SplæshCamp 2014, Frilynt Norge

Velkommen til SOMMARTEATERSKULE
med Teater Vestland og Sunnfjord Kulturskule

Veke 25 (20.-24. juni) for 5.-10. klasse

Sommarteaterskulen skjer på dagtid måndag til fredag kl 09.00-15.00, med oppmøte i Teatersalen til Teater Vestland i Førdehuset.

Dagane vert fylt med teater, dans, stemmebruk, laging av kostyme og sminking av kvarandre til framsyning.

Vi tek utgangspunkt i den kjende musikalen «Cats» og øver inn songane «Jellicle Cats» og «Memory».

Elevane tek del i den kreative prosessen og er med å velje kor stor rolle dei vil ha i framsyninga.

Fredag 24. juni inviterer vi foreldre og andre forbigåande til å kome på gratis framsyning kl. 14.00 på Skywalken på Amfi-senteret i Førde.

Praktisk: Elevane tek med seg sin eigen matpakke og drikkeflaske på undervisningsdagane.

Foto: Runar Gjelsvik

Veke 31 (1.-5. august) for 1.-4. klasse.

Sommarteaterskulen skjer på dagtid måndag til fredag kl 09.00-12.00, med oppmøte på Teater Vestland i Førdehuset.

Denne veka øver vi inn ei framsyning som vert synt for foreldre, vener og familie fredag 5. august kl 11.30.

Det vert lagt vekt på å ha det moro og lære mest mogleg, samt kjenne meistring og få mange vener i prosessen.

Praktisk: Elevane tek med seg sin eigen matpakke og drikkeflaske på undervisningsdagane.

Om Sommarteaterskulen:

Sommarteaterskulen vert leia av teaterpedagogen Beth Ramfjord.

Beth underviser på teaterskulen i Førde og har erfaring frå musikalundervisning for barn og unge i Frilynt Norge og som kulturskulerektor i Vik kommune.

Det vert lagt vekt på å ha det moro og lære mest mogleg i kursvekene. Kjenne meistring, få utfordringar og få mange vener i prosessen.

Sommarteaterskulen passar for både nybyrjarar og dei med erfaring.

Ein treng ikkje å vere elev ved Teaterskulen eller Sunnfjord kulturskule for å delta. Påmeldinga er bindande. Avgrensa tal plassar.