ALT DET LYSE OG ALT DET MØRKE
Foto David Zadig
URPREMIÈRE
«Alt det lyse og alt det mørke» er ei sterk forteljing om korleis omsorgssvikt kan gå i arv frå slektsledd til sleksledd, utan at nokon grip inn, trass i at alle veit. Det spesielle er at den blir fortald frå barnet sitt perspektiv.
Vesle Vibeke støttar handa til faren for at han skal få i seg morgonkaffien og kanskje kome seg på jobb i tømmerskogen. Sjølv er ho glad viss ho berre får vere med. Hand i hand med faren, under dei dansande snøfillene, gløymer ho både kulde og svolt. Men uansett kor hardt ho tviheld på desse lysglimta, forsvinn faren i skuggane.
Kva så når ho sjølv blir mor i ung alder? Vil ho klare å gi dottera Hildegunn ein lysare oppvekst?
Bak stykket står eit kraftlag frå Vestlandet. Det er andre gong Miriam Prestøy Lie set i scene ein roman av Brynjulf Jung Tjønn. I 2016 laga ho teater av brageprisvinnande «Så vakker du er» med Thea Hjelmeland på scena, som vart ei kritikarrosa framsyning. Arbeidet blir no vidareført med bergensmusikar Selma Stang som miksar elektronisk, pop, folketonar og salmar, og framfører musikken live. Det heile er pakka inn i scenograf Dordi Strøm sitt visuelle, leikande og vakre univers.
PRESSEOMTALE
“Sviket. Sterk roman blir sterkt teater med sterkt spel i hovudrolla” Teatermelding - Dag og Tid
“Samtidsdrama av beste sort” Teatermelding - Fjordingen
“Fullt hus for sterk historie om omsorgssvikt” - Sogn avis
“Skal besøke tolv stader i fylket. Viktig og vakker førestilling” - Sogn avis
“Premiere på nytt teaterstykke: Benedicte (41): -Det vil ta tid å fordøye dette” - Firda
Skodespelarar rørt til tårer på scena - NRK.no/sjf
FOTOGALLERI “ALT DET LYSE OG ALT DET MØRKE”
Foto: David Zadig
KUNSTNARLEG LAG
AV Brynjulf Jung Tjønn
DRAMATISERING OG REGI Miriam Prestøy Lie
KOSTYMEDESIGNAR OG SCENOGRAF Dordi Strøm
MUSIKAR Selma Stang
LYSDESIGNAR Krystian Myska