|
Gard Knudstad Frostad
Gard Frostad Knudstad er frilansskodespelar med base i heimbyen Bergen.
Han har tidligare 9 produksjonar bak seg ved Sogn og Fjordane Teater.
Gard har vore engasjert ved Den Nationale Scene, Hordaland Teater, Beaivvas Sami Teahter, NRK-Radioteatret, frie teaterkompanier, som Bergen Byspill, Dukkenikkerne, Turboteatret, Teater Nova, Krabatene og Aldateatret. Sidan 2003 har han saman med andre danna Teaterkompaniet Proscenia. Sist Gard Frostad Knudstad gjesta Sogn og Fjordane Teater var i 2004 med forestillinga Meir av Maria Tryti Vennerød.
Roger Hilleren
Roger er utdanna ved New York University og har tatt drama og teaterkommunikasjon ved UiO. Han har lang røynsle frå både teater, film og reklame. Roger har vore engasjert ved Centralteatret, Riksteatret og Drammen Teater m.fl. Han har hatt roller i TV- seriar som De syv søstre og Asylet på NRK1 og Hotel Cæsar på TV2. Roger har vore engasjert ved Sogn og Fjordane Teater fleire gonger, sist med Audun Hugleiksson - Kongens mann (2002/20004), Kinnaspelet (2005/2006), Saman skal vi leve (2005/2006) og Billy Bryant`s Kafè (2006). Han blir også å sjå i Storm frå nordvest (2007).
Idun Losnegård
Idun Losnegård er født og oppvaksen i Askvoll i Sunnfjord. Ho har 3-årig skodespelarutdanning frå The Guildford School of Acting i England og har jobba fleire år i London og Norge. I 2005 hadde Idun eit års engasjement ved Sogn og Fjordane Teater, der ho mellom anna gjorde monologen Den frie kystkvinna av Norvald Tveit, Saman skal vi leve og Food for Faen. Idun jobbar som frilansskodepelar og har turnert med Verdas beste Astrid under Rikskonsertane og skal vinteren 2007 rundt med Prins Lys i regi av Aldateateret som ho har vore med å starte. Idun har jobba mykje med utandørsspel, fysisk teater og scenekamp. Sang og musikalske uttrykk har stått sentralt i det arbeidet ho har gjort på scena.
Kristin Aafløy Opdan
Kristin er født og oppvaksen på Sortland i Vesterålen. Ho er utdanna skodespelar ved Academy of Live and Recorded Arts i London og jobbar som frilansskodespelar med base i Oslo. Kristin var ung kunstnar under Festspela i Harstad med forestillinga AlterEgo i 2003, har turnert med forestillinga Logg på på ungdomsskular i Nordland og Troms og spelt Synnøve i TVNorge sin julekalendar Ungkarsnissen i 2004. Under Reginedagan i 2005 var ho skodesplar på urframføringa av Ketil Veas musikkverk Ringelihorn og same haust spelte ho hovudrolla i forestillinga "...og så må jeg videre” som markerte avslutninga på prosjektet Kulturløft Golfstrømmen i Vesterålen. I 2006 har hun produsert og turnert med forestillinga Oppdrag Accelerando, som er eit bestillingsverk frå Musikk i Nordland.
Håkon Mathias Vassvik
Håkon er opphaveleg frå Gamvik i Finnmark og er utdanna skodespelar frå Akademi for Scenekunst i Fredrikstad (2001-2004). Han har mellom anna spelt i Frank på Det Norske Teater, The Happy Place på Teatret Vårt og Ifigenia med Verk produksjonar. Han arbeider som frilansskodespelar med base i Oslo.
| 
